Aug 3, 2013

လခြမ်းကွေးကွေးလေးပေါ်မှာ ပျော်ပျော်ကြီး အိပ်ချင်တဲ့ ကောင်မလေးနဲ့ ကိုယ်


ညွတ်စင်း လင်းပတဲ့ လရောင်ကိုပဲ
တောင့်တရတော့မလား..
ဒီလို လဆန်းရက်မျိုးကိုမှ
ကိုယ်က ခင်တွယ် လွမ်းဆွတ်မိတော့..
ကိုယ့်မှာ.. ချစ်ခြင်းကိုပဲ ကိုးရမလို...
ကြယ်ကိုပဲ ခိုးပြီးနမ်းရမလို ပေါ့။

ကိုယ် ရေးခြစ်ထွင်းထုမိတဲ့
ကျောင်းသားကျောက်မြေပေါ်က အက္ခရာတစ်လုံးဟာ..
မင်းအတွက် သီကုံးပေးဖူးတဲ့ အပြုံးလှလှလေးတွေပဲ..
အဲတုန်းတွေကလဲ လှတယ်..
ကျောက်ထက်တင်တဲ့ အပြုံးဟာ ပိုပြီး..
ခုံးဝန်းတောက်ပ..
ဒို့ညတွေဟာ.. အပြည့်အဝ
လခြမ်းဆန်တယ်။

ကိုယ်
မင်း
ကို
ချစ်
တယ်.....။

ကောင်းကင်ကို မော့ ပြောမိသလား...
ခေါင်းငုံ့ပြောမိသလား...
မင်းမျက်ဝန်းနဲ့ ဆုံပြီးပြောမိသလား....
ကိုယ်.. မင်းကို.. ချစ်တယ်...
စကားအဆုံးက ပုဒ်ရပ် ( ။ ) ကလေးထဲမှာ..
ကိုယ်..
ခဏလေး ပုန်းနေချင်တယ်။

ကိုယ်တို့ လခြမ်းလေးက... ရယ်နေတယ်..
မင်းကလေးက ဆံပင်တွေကို သပ်တင်နေတယ်..
ကိုယ်က ဘယ်ကိုမှန်းမသိ... ငေးနေတယ်..
အဲလိုနဲ့...။

အဲလိုနဲ့...
ကိုယ်တို့တွေ...
နီးနီးလေးကို ပြေးလာနေရတယ်..
အဲလိုနဲ့
ကိုယ်တို့တွေ....
သိပြီးသားကို အဖြေရှာနေရတယ်..
အဲလိုနဲ့
ကိုယ်တို့တွေ..
ရေးပြီးသားကို နိဒါန်းပြန်ပျိုးနေရတယ်...။

ကမ္ဘာပေါ်မှာ
ချစ်သူ အလိုကျစေ ပြုံးစေရယ်စေဖို့ထက်..
တေးအထပ်ထပ် ညည်းဆိုဖို့
ကဗျာ၊ စာ ရွတ်ဖတ်ဖို့တောင်..
အချိန်မပေးချင်တော့တဲ့ ကိုယ်ဟာ..
မိုးတွေ ပိန်းပိတ်အောင်မှောင်နေတဲ့ ကောင်းကင်မှာ..
မင်း ခဏခဏ သာ သာ ပြတဲ့ လခြမ်းကွေးကွေးလေးကို
ကိုယ့် ရင်ငွေ့နွေးနွေးလေးနဲ့
ရေး တင်ပေးချင်တယ်..။

ဒါ
လောက်
ပါ
ပဲ။

 
လက်ဝဲ

2 comments:

  1. ရွှေတောင်သူAugust 4, 2013 at 2:41 AM

    မင်း ခဏခဏ သာ သာ ပြတဲ့ လခြမ်းကွေးကွေးလေးကို
    ကိုယ့် ရင်ငွေ့နွေးနွေးလေးနဲ့
    ရေး တင်ပေးချင်တယ်..။

    ချစ် တတ် လိုက်တာ ကိုးး :)

    ReplyDelete
  2. ကဗျာလေးထဲမှာ နူးညံ့မှုချစ်ခြင်းတွေ အများကြီးပျော်ဝင်နေတာတွေ့လိုက်ရတယ်...ငါ့မောင်လေး ဒီလိုကဗျာမျိုးမရေးတာဘယ်လောက်ကြာပြီလဲ....

    ReplyDelete