မက်သာမက် ငါ့ကောင်

အိပ်မက်က အိပ်မက်ပဲ တဲ့....
မတူဘူးကွ
ငါ့ အိပ်မက်က alcohol များတယ်
တစ်ခါမက်ရင် တစ်သက်လုံးစွဲတယ်
(မယုံမရှိနဲ့.... ငါ့ကောင်)
တစ်ခုတော့ရှိတယ် ခေါင်းမကိုက်ဘူး ကြည်နူးတယ်
ခံစားချက်နဲ့ ရောမက်ရင် အ၀င်ကောင်းတယ်
မိုးလင်းရင် စိတ်ကြည်တယ်..
အိပ်မက်ဆိုပေမယ့် ဘေးထွက်ဆိုးကျိုးမရှိဘူး
နှလုံးသားအတွက် အထူးသင့်တော်တယ် (မယုံရင် မက်ကြည့်)
ဝယ်ထားလို့တော့ မရဘူး
မက်ချင်ရင် အိပ်ရေး ပျက်ပျက် ပေးရတယ်
တစ်ခါတစ်ခါတော့ လန့်နိူးတတ်တယ်
နောက်ကျောကို မနှိပ်နဲ့၊ ရင်ဘတ်ကိုဖိထား
လန့်နိုးရင် စိတ်ထဲမှာ ချိုပြီးကျန်ခဲ့မှာ
(အဲဒီအခါကျ) မျက်နှာလေးကို ပြုံးဖြစ်အောင် ပြုံးနေလိုက်
ငါပြောတဲ့ အိပ်မက်ရဲ့အနှစ်သာရက
အဲဒီ အပြုံးပဲ
လုံးဝ ဟန်ဆောင်ပြုံး မဖြစ်စေရဘုး.....
အဲဒါ.... အမှန်အကန်......................။

လက်ဝဲ

(ဟိုးတုန်းက ကဗျာတွေ)

ဒီ ပြတင်းပေါက်သေးသေးလေး

ဘယ်သူမှ ဒီ ပြတင်းပေါက်သေးသေးလေးကို ငုံ့မကြည့်ဖြစ်ကြလို့ ဖြစ်မယ်... (ဖြစ်တယ်)
ကျွန်တော်ဟာ ဘယ်သူနဲ့မှ အဆက်အသွယ် ပြတ်တောက်/ ဖြတ်တောက် ပြီး မနေခဲ့ပါဘူး
လူ့ယဉ်ကျေးမှုဟာ ကျွန်တော့်ဘေးဝဲယာ/ အထက်/အောက် မှာ သာမန်ကာလျှံကာပဲ စိမ့်ဝင်စီးမျောနေပေမယ့်
ဖက်လဲတကင်းမရှိလှတဲ့ ကျွန်တော် ခိုစီးမိတော့မဲ့ဆဲဆဲ ကာလယန္တရားကို ကျွန်တော့်မှာ ထိတ်လန့်စွာပါပဲ
ချစ်သူ..... ချစ်သူ...... ကိုယ့်ခေါ်သံကို ကိုယ်ပဲ... ပြန်ပြီး... အက်ကိုး (ECHO) လိုက်ပေးရတော့မလိုလို
တစိမ့်စိမ့် ရှက်ရတဲ့ နှလုံးသားရဲ့မျက်နှာ ဘယ်မှာမှ သွားထားမနေနဲ့တော့...
ဒါ.............
ဒီ ပြတင်းပေါက်သေးသေးလေးကို သူမ  ငုံ့မကြည့်ဖြစ်လို့ ဖြစ်မယ်... (ဖြစ်တယ်)
ဒီလိုပါပဲ... ကင်းကွာ... ဝေးလွင့်... "မင်းတို့ ကဗျာဆရာတွေဟာဖြင့်........"
ကျွန်တော် လွင့်စင် သွားခဲ့ရပေါ့... (စကားရဲ့ အဆုံးထိ)  ကျွန်တော့စကားလဲ တစ်ခါတည်း ဆုံးပါးသွားတယ်
ဒီလိုနဲ့ ကျွန်တော့် ဝန်းကျင် ဟာ... ဟွန်းသံ ကင်းမဲ့လာ.... လူခြေတိတ်လာ....
ဒါ အနုပညာက လုပ်ယူလိုက်တဲ့ ကျွန်တော့် ပုံစံ/ ကျွန်တော့် ဟန် ဖြစ်မယ် (ဖြစ်တယ်)
ကဗျာ ကို ပုဒ်ဖြတ်၊ ပုဒ်ရပ် တွေထဲ လွှတ်ချ၊
ကဗျာကို ဆေဗယ်လိုက်ဇေးရှင်း (CEVILIZATION) ထဲ လွှတ်ချ၊
ကဗျာကို အာလုပ်စကားတွေထဲ ပစ်ချ၊
ကဗျာဟာ ပုံစံခွက်ထဲ ဝင်ထိုင်နေရ၊ ကဗျာ က သွားလာလှုပ်ရှားနေရ..
သူ့ခမျာ... မာကြောင်း၊ သာကြောင်း တွေ ပြုံးပြုံးကြီး ပြောနေရ...
ဘယ်သူမှ ဒီ ပြတင်းပေါက်သေးသေးလေးကို ငုံ့မကြည့်ဖြစ်ကြလို့ ဖြစ်မယ်... (ဖြစ်တယ်)
ပြောစမ်းပါဦး.... မင်း ရဲ့... အရည်မရ အဖတ်မရတွေ...
ပြစမ်းပါဦး မင်းရဲ့... တောင်စဉ်ရေမရတွေ....
ဒါပဲ....... နောက်ဆုံး....
"ငါ့စကား နွားရ" မှာ ဒါ.... ဝုန်းဒိုင်းကြဲ ဖြစ်တည်မှုပဲ... ပရမ်းပတာ ပျက်စီးမှုပဲ..
ဒီစကား၊ ဒီစာ၊ ဒီဖန်တီးမှုဟာ... သူ/ သူမ/ သူတို့အတွက်.. အလကားပဲ..
ဒါ................
ဒီ ပြတင်းပေါက်သေးသေးလေးကို ငုံ့မကြည့်ဖြစ်ကြလို့ပဲ
ကျွန်တော် ဟာ .. အချိန်ကြာကြာ ယူနေတယ်... အရှိန်များများ ယူနေတယ်..
တစ်နေ့... ဒီပြတင်းပေါက် သေးသေးလေးကနေ...
ခင်းကျင်းတင်ဆက်မှု (INSTALLATION) တစ်ခု  ပစ်ချ/ လွှတ်ချ/ ဖွင့်ပြရဦးမယ်...
ဒီ ပြတင်းပေါက်သေးသေးလေးကို  - ငုံ့- ကြည့် - ဖြစ် - ကြ - ဖို့ -  ဖြစ်တယ်။    ။

လက်ဝဲ

ဥပေက္ခာမိုး

ရုပ်ဆိုးပန်းဆိုးနဲ့ မိုးက အငြိုးနဲ့ ရွာတယ်
ငါ့မှာ ခိုလုံရာမဲ့ ရွှဲနစ်ခဲ့
ဒဏ်ရာနဲ့ လုံးလားထွေးလား ငါ့ရင်အုံ
အဆုံးက အစ ဖြစ်လိုဖြစ်
အဖြစ်က ဆုံးလိုဆုံးနဲ့
ငါ့မှာ ကြယ်တွေ တရုန်းရုန်းနဲ့ မပျော်နိုင်ခဲ့
လေလွင့်သူရဲ့ည။

လက်ရေး လက်သား မညီညာတဲ့ စီကာ စဉ်ကာ ညနေထဲ
အဲဒီမိုးက သည်းပြန်တယ်
ယုံကြည်စရာ ကောင်းတဲ့ တိမ်တိုက်တွေထဲ
မယုံကြည်စရာ သူစိမ်းဆန်ဆန် ညနေ
ကလေးရယ်...
ဘဝဟာ ဒီတိုင်းပဲ
အစိမ်းရင့်ရင့် လည်ပတ်ဆဲ
ရင်ထဲမှာ မိုးသည်းနေခဲ့ပြီ။

လက်ဝဲ

ဆက်.. ဆက်.. ဆက်.. တွေး

တစ်ရေးမှ မအိပ်ရတဲ့ မျက်နှာကိုပဲ
မနက်တိုင်း ထထ သစ်နေရတယ်
ယုံကြည်ချက် အဟောင်းကြီးနဲ့ ဆိုတော့
ကျွန်တော့်မှာ မှန်ကြည့်တိုင်း ရှက်ခဲ့ရသေးတယ်။

ကျွန်တော့်ရာစုထဲက ကာလတိုင်းကို
လက်တစ်ဆုပ်စာ အလင်းရောင် လက်တံအချို့နဲ့
တနိုင်တပိုင် ပိုင်းခြားဖို့ ကြိုးစားကြည့်နေတာ
ခု ကာလ အပိုင်းအခြား တစ်ခု အထိ။

ကျွန်တော် တွေးသည် ထို့ကြောင့် ကျွန်တော် ရှိသည်။
ကျွန်တော့်အတွေးတွေ သေဆုံးသွားတော့
ကျွန်တော့် ဈာပနကို မြင်မိလိုက်သလိုပဲ
ကျွန်တော်တွေးသည် ထို့နောက်.......
ကျွန်တော် ........ တွေ  ဝေ  နေ  ခဲ့  ပါ  သည်။

ဘဝနဲ့ရင်းပြီး တွေးခေါ်ကြသူများမှ
ဘဝကို အမြတ်ထုတ်ပြီး ဈေးခေါ်ကြသူများထိ
ကျွန်တော့်ကိုယ် ကျွန်တော် ဇာတ်ကောင် လုပ်ကြည့်
ကျွန်တော်ဟာ လေဟာနယ် တစ်ခုနဲ့ ... ထိ မိ နေ တယ်။

လှိုင်းတစ်လှိုင်းကို မြင်လိုက်ရမှု မှာ... (ကျွန်တော်ဟာ)
ဘာလှိုင်းလဲ ဆိုတာ... စိတ်မဝင်စား (မသိချင်) တော့သူ
ရုတ်ချည်း မျဉ်းဖြောင့်တစ်ကြောင်း ဖြတ်ပြေးသွားတယ်
ကျွန်တော် မရှိတော့တာ သေချာတယ်
ကျွန်တော်ဟာ တွေးတောဖို့တောင် အပျင်းကြီး(ခဲ့)တဲ့ကောင် ။

ကဗျာအဆုံးမှာ (ကျွန်တော် အဆုံးမှာ)
ကမ္ဘာဦး တွေးခေါ်သူတို့
(ကျွန်တော့်) အတွက် လှောင်ရယ် သံ ကို
နောက်ဆုံး ..........  ကြား    လိုက်    တယ်   ။   ။

လက်ဝဲ

ကိုယ်ပါဝင် ကခုန်မိတဲ့ ဘဝတွေ

ကိုယ့်အကြောင်းကိုယ် အိပ်မက်မိမှတော့
ကိုယ့်ဘာသာကိုယ် အံ့အားသင့်ကြည့်ဖို့
ကြိုးစားမနေတော့ပါဘူးလေ
ကိုယ်ဆိုတာကလဲ ရင်ဘတ်တစ်စုံ ဖြစ်နေမှကိုး။

ရင်ဘတ်တစ်စုံ ပြောတဲ့ စကားနဲ့
ရင်ဘတ် တစ်စုံ လျှောက်တဲ့လမ်းဟာ
လူတိုင်းရဲ့ ရင် ဆီကို မျောလွင့်သွားကြ
ကိုယ်တွေက "ဘဝ" ကို ထူထောင်ရင်း
"ဘဝ" ကိုပဲ ခြယ်မှုန်းကြရတာ ... ။

စစ်မြေပြင်ဟာ ပန်းချီကားပေါ်မှာ အနုပညာ
မတူကွဲပြား ငြင်းခုံသံများဟာ သီချင်းထဲမှာ အနုပညာ
ရင်ခုန်ကြေကွဲ အရိပ်မည်းတွေဟာ ကဗျာထဲမှာ အနုပညာ
အနုပညာဟာ လူမှုဝန်းကျင် တစ်ခု ဖြစ်လာ
အနုပညာဟာ ရင်ဘတ်တစ်စုံ ဖြစ်လာ
ကိုယ် ဟာ ရင်ဘတ်ထဲ က လူမှု ဝန်းကျင်တစ်ခု ဖြစ်လာ။

ကိုယ့် ရင်ဘတ်နဲ့ သူများမျက်ရည်တွေ ကို လိုက်ငို
ကိုယ့် မျက်ရည် တွေကို တော့ ကဗျာတွေက ငိုတယ်။
အသစ် အသစ်သော ဝေဒနာတွေဟာ
ကဗျာတွေ မှာသာ ခိုလှုံ ကြ
အီမိုရှင်နယ် ခရိုက်ဇစ်များနဲ့ ကမ္ဘာဟာ
စီးဆင်းအား တစ်ခုတည်းနဲ့
လူတွေကို ပရမ်းပတာ ဝင်တိုက်တယ်။

ခံစားလိုအား လျော့ကျလာမှု ဟာ
အရွေ့တစ်ခုဖြစ်လာ .... အသက်မဲ့လာ ... သေဆုံးလာ ...
ဒီလိုနဲ့ ကိုယ့်ကဗျာ
ကိုယ်ကိုယ်တိုင်တောင် မခံစားရပါပဲနဲ့
ရင်ကွဲနာ တွေကျလို့..။

ဆိုတော့.........
သူ့ကိုယ်သူ ပြန် ဟန်ဆောင်နေရတဲ့ ကိုယ်ကျင့်တရားရယ်
သူ့ကိုယ်သူ ပြန်ဖောက်ဖျက်နေရတဲ့ သီလ ရယ်
ဆိုတော့ .....
ကိုယ်ကလဲ "ဖောက်ဖျက်" ချင် "ဟန်ဆောင်" ရဦးတော့ မပေါ့
မေတ္တာ တရား (၁၀) ပါး ကို တစ်ပါးချင်း ယိုယွင်းနေရပြန်ဦးမယ်။

အေးလေ.........
ကိုယ်ဆိုတာကလဲ
ရင်ဘတ်တစ်စုံ
ဖြစ်နေမှကိုး။

လက်ဝဲ