လက်ဝဲ

Sep 13, 2012

ဇော

အဲဒီညကြီးတစ်ကိုယ်လုံး စိုရွှဲလို့
အဲဒီတုန်းက ကျွန်တော်တို့ဆိုတာ (ကလေးဆိုတော့)
ညက ခြောက်ရင် ကြောက်တတ်တုန်း
ခုတော့ ကြည့်
အဲဒီည တကယ့်ကို စိုရွှဲလို့….
(သိပ် သနားဖို့ကောင်းတာပဲ..)…။
ကိုယ့်လျှာကိုယ် ပြန်ကိုက်မိထားတဲ့မိုး
အညိုးကြီးကြီးနဲ့ ညပေါ်ကို ခုန်ဆင်းတယ်
ပြီးတော့ ဝုန်းကနဲ ဒိုင်းကနဲ ပြဲလန်နေအောင် ရွာတယ်..။
အဲဒီတုန်းက ကျွန်တော်တို့ဆိုတာ
ပြိုးပြိုးပျက်ပျက် ကောင်းကင်အက်ကြောင်းတွေကို မြင်
အဖေ့ရင် ဘတ်ထဲ ဝင် ဝင်ပြီး ငိုခဲ့ရတာ…
မိုးက ခြောက်တော့လဲ.. ကြောက်တာပေါ့.. (ကလေးကိုး)…။
ဖြောင်းကနဲ ဖြောင်းကနဲ သွပ်ပြားပေါ် မိုးသီးကျ ကွဲသံ
ပြီးတော့ နားနားကပ်ပြောတဲ့ အဖေ့အသံ
"မိုးသီးစားရင် သား အကြောက်ပြေလိမ့်မယ်" တဲ့….။
ကျွန်တော့်ကို ကုတင်ပေါ် ထားခဲ့ပြီး
ထီးတစ်လက်နဲ့ မိုးထဲ ထွက်သွားတဲ့ အဖေ…
မိုးသံ တစ်ဖြောင်းဖြောင်းကြားမှာ အဖေ့အသံကို
ကောင်းကောင်း မယုံသေးဘူး.. (ဟုတ်လို့လား အဖေ)..။
အဖေကတော့ တကယ်ပဲ မိုးသီးတွေ ထွက်ကောက်နေပြီ.
မျက်ရည်လေး စမ်းစမ်း စမ်းစမ်းနဲ့ အဖေရပ်နေတဲ့ လမ်းဘက်ကို ငေးလို့….
အဖေ့မှာတော့ မိုးသီးတွေကို (မိုးနဲ့ အပြိုင်) သည်းကြီးမည်းကြီး ကောက်လို့..
စောင်ခြုံထဲကနေ ကျွန်တော်က ခေါင်းထောင်ထောင်ကြည့်ရတာ အမော…။
အဖေကလေ….
မိုးသီးကို ရှေ့ကကောက်.
နောက်က မိုးသီးက အရည်ပျော်
ရှေ့က မိုးသီးကောက်
နောက်က မိုးသီး အရည်ပျော်
ရှေ့ကကောက်
နောက်က အရည်ပျော်
ရှေ့ကကောက်
နောက်ကပျော်
သားလဲ.. အဲဒီညက
ကောင်းကောင်း အိပ်မပျော်ပါဘူုး… အဖေ…။

လက်ဝဲ

Sep 6, 2012

လူမှုယန္တရားဟာ နာရီလည်နှုန်းအတိုင်း ခင်ဗျားဆီ

ဝင်လာကတည်းက ခြေလှမ်းအမှားကြီးက
ဖယောင်းပုဆိုး အမှားကြီးပေါ်မှာ....
လေကို လေနဲ့ မှုတ်လိုက်တယ်
အံ့သြစရာ ကောင်းလောက်အောင်
မုန်တိုင်းတစ်ခု ထွက်ကျ လာတယ်။

ကြက်သီးမွှေးညှင်းတွေ ရွက် ထားတဲ့ ကျွန်တော့်ကို
အဓိပ္ပါယ်မရှိ ဝိုင်းထမ်းကြပြန်
ကျွန်တော့်မှာတော့ ဒုက္ခသည်တစ်ယောက်လို
ဝမ်းလျားထိုး ကောင်းကင်ကြီးအောက်မှာ
ပက်လက်ကလေး လန်လို့။

လိုအပ်ခြင်းနာရီတွေ ရပ်နေတယ်
ကိုယ်စီကိုယ်စီ ပြာယာခတ်နေကြပြန်တယ်
ကျွန်တော် လှမ်းအော်မယ်လုပ်တော့
ကျွန်တော့်ပါးစပ်ထဲက မုန်တိုင်း ထွက်လာတယ်
ကျွန်တော် ထ ထိုင်မယ် လုပ်တော့
ကျွန်တော့် နာရီ ရပ်သွားတယ်။ ။

လက်ဝဲ

Aug 15, 2012

ကဗျာချစ်သူ

ကဗျာ ချစ်တယ်
ကဗျာ ဖတ်တယ်
ကဗျာ ရွတ်တယ်
ကဗျာ တွေဝေဖန်တယ်
ကဗျာ မရေးဘူး
ကမ္ဘာ ပျက်မှာထက်
ကဗျာပျက်မှာ ပိုကြောက်လို့ .....

ဂေါ့သစ်

မရတာ ကြာပြီဖြစ်တဲ့ ကျွန်တော့် သူငယ်ချင်း ဂေါ့သစ် (Gothic) ပေးတဲ့ ကဗျာ လေးတွေပါ။

ကြိုးနှင့် ချည်သော...

အမ သဒ္ဓါလှိုင်း မွေးနေ့ အတွက် အမှတ်တရ ကဗျာ

ကြိုးနှင့် ချည်သော..

အတွေးနဲ့ အသက်ဆက်သူများရဲ့ ရင်ဘတ်ကို
ဖွင့်ဟ လှပ်ကြည့်ဖို့ ကြိုးစားမိသူ လေလား
သူမ သဘောထားကြီးထားတဲ့ လောကကြီးဟာ
သူမကို ပြန်ပြီး သဘောထားကြီးနေပြန်လေသလား
ကြည့်....
ကဗျာဆန်တဲ့ နေ့တွေမှာ...
သူမနဲ့ အတူ တစ်လောကလုံးက
မီးအိမ်လေးတွေကို ဆွဲ........ လို့။

အို.... ကောင်းကင် တဲ့
မျက်လုံးကို မှိတ်ထားလေမလား
ခေါင်းမော့ ထားလေမလား
လက်ချောင်းလေးတွေချင်း ယှက်ပြီး
ရင်ဘတ်မှာ ကပ်ထားလေမလား
အမှန်တရား/ ငြိမ်းချမ်းမှု/ စစ်မှန်မှု/.....
ရင်ထဲကနေ တောင်းဆုတွေ ပြုနေလေမလား
သစ္စာ ကို သူမ လက်ဖြန့် တောင်းနေရှာတာပါ
အို ကောင်းကင်.... တဲ့။

ယုံကြည်ရာ၊ စွဲလမ်းရာ၊ ရပ်တည်ရာ အတွက်
မြို့ပျက်ညကြီးထဲမှာတောင်
သူမဟာ သမာသမတ်ကျကျ
စည်းစနစ်ရဲ့ မျဉ်းဖြူလွလွလေးပေါ်မှာ
ကျွန်တော့် ကို ရပ်ပြ နေတယ်။

သူမက လေ
“ဟိုးမှာ...
ဆက်လျှောက် သွားကွဲ့
အဲဒီလမ်းမှာ
အမှန်တရား/ ငြိမ်းချမ်းမှု/ စစ်မှန်မှု/.....”
အဲဒီ ညွှန်ပြမှုတွေအတွက်
အရာရာကို ကျွန်တော်
အံတုဖို့ ဖြစ်လာခဲ့ရတယ်။ ။

လက်ဝဲ

Aug 8, 2012

အချိန်တွေ ကြာလာတာနဲ့ အမျှ

အချိန်တွေ ကြာလာတာနဲ့ အမျှ
အေးစက်လာတယ်
ရောဂါဟာ... ခန္ဓာကိုယ်ပေါ်မှာ.... ရင်ဘတ်ထဲမှာ.. သွေးကြောထဲမှာ...
တစ်ကိုယ်လုံးဟာ ရောဂါ ဖြစ်လို့..... တစ်ကမ္ဘာလုံးဟာ ရောဂါဖြစ်လို့
ဟိုဖက်လမ်းနဲ့ ဒီဖက်လမ်းကလဲ ဖျားနေတယ်..

မြန်မာနဲ့ စင်ကာပူ လဲ နေမကောင်းဘူး.....
သူငယ်ချင်းလဲ ရောဂါ.. ချစ်သူလဲ ရောဂါ....
ငါလဲ ရောဂါ... ငါ့ မန်မိုရီ စတစ် လေးပါ.. အပူချိန်တွေ တက်လာ။

ဆိုတော့
ဒီဖက်ခေတ်မှာ... သူရော မင်းရော.. ငါရော...
အုတ်အရောရော ကျောက်အရောရော..
သွေဖီရာတွေကို ပြောနေကြရမယ့်အစား...
ငါတို့တွေ ပြောပြောနေကြတဲ့ ရောဂါနဲ့
သူတို့တွေ ပြောပြောနေကြတဲ့ ရောဂါ...
အေးစက်လာတယ်......................
အေးမြလာတာတော့ မဟုတ်ဘူး...
အချိန်တွေ ကြာလာတာနဲ့ အမျှ။

ဒီတစ်လလုံး...
ကျွန်တော်ဟာ...
တစ်လောကလုံးနည်းတူ..
ဖျားနေခဲ့ပါတယ် မိတ်ဆွေ။

လက်ဝဲ