Feb 28, 2013

ရင်ပြည့်အောင် ထိတော့ မအီဘူးပေါ့လေ


မဆိုစလောက် အတ္တလေးတွေ လက်ထဲကို လွတ်ကျလာ....
လက်ထဲကနေ လွတ်ကျလာ.... ဒီလိုနဲ့.............
မော့ထားတဲ့ ဦးခေါင်းတွေ... ထောင်ထားတဲ့ လက်ညှိုးတွေကို
ကြည့်ရတာ... ကလန့်ကလား နိုင်လာ... ဒီလိုနဲ့.....
နီတိ မကျေခဲ့တဲ့ လက်တွေ ဒီ ပန်းပုရုပ်မှာ လာထုဆစ်ကြတုန်း
ကျင့်ဝတ်တွေ အတုန်းအရုန်းနဲ့ပေါ့လေ။

စောင့်ထိန်းအပ်သော .... ဆိုတာတွေဟာ.. မီးခိုးလုံးတွေ ဖြစ်လာ..
လုံးထွေး... ပါးလျား.... ပျောက်ကွယ်... ဒီလိုနဲ့.....
ကျွန်တော့်ကို လက်တို့လိုက်တဲ့ အချိန်မှာ.... ဂုဏ်သိက္ခာတစ်ခု...
ညှိုးမှိန် ... ကျဆင်း ... နောက် (ပျောက်...ကွယ်)... ဒီလိုနဲ့...
လေးနက်မှု၊ နက်ရှင်းမှုတွေဟာ... လေချဉ်တက်စရာတွေ ဖြစ်နေကြတုန်း
လေထဲမှာ အိမ်ဆောက်နေကြဦး ပေါ့လေ။

ဒီလိုနဲ့ပဲ.....
အလင်းတန်းလေး ဖြတ်ပြေးခွင့် ရရုံ ... လက်ဖျစ်ကလေး တီးခွင့်ရရုံ
ကျွန်တော်တို့ဟာ... အာရုံတွေ ပါးခဲ့ရတယ်.....
အရှိန်အ၀ါ တွေ ပါးခဲ့ရတယ်......
သိက္ခာ ဆိုတာ ပါးခဲ့ရတယ်...
မာန.... ပါးခဲ့ရတယ်...
ပါးခဲ့ရတယ်....။

ဒီလိုနဲ့ပဲ
ပါး....... နပ်....... ခဲ့........ ရ......... တယ်....... (ဆိုပါတော့)
ဒါဟာလဲ ကိုယ့် ခွဲထား နဲ့ကိုယ် သတ်ပုံပြင်ဖြစ်ခဲ့ခြင်းတွေပါပဲ..
ဒဏ်ရာတစ်ခု ဖြစ်လာ အမာရွတ်တစ်ခု ဖြစ်လာ....
လက်ညှိုးကြီးထောက်ပြီး ပြောစရာတစ်ခု ဖြစ်မလာရင်ပဲ
တော်... ပါ.. ပြီ...။

လက်ထဲကနေ လက်ထဲကိုပဲ...
အတ္တလေးတစ်ခု
ပြုတ်ကျမှု (လွတ်ကျမှု) ဖြစ်စဉ်တစ်ခုလို့ပဲ..
ထား.... ထား... လိုက်... တာ... ပေါ့...
သိပ်ကြီးကြီးကျယ်ကျယ် မဟုတ်ပဲနဲ့ပေါ့လေ။

 
လက်ဝဲ

3 comments:

  1. ပါးနပ်စွာနဲ့ပဲ လက်ထဲကလွတ်ကျသွားတဲ့ ဖြစ်စဉ်တစ်ခုလို့ပဲ သတ်မှတ်ရတော့မှာပေါ့လေ ... :)

    ReplyDelete
  2. This comment has been removed by the author.

    ReplyDelete